കേരളത്തിലെ കണ്ണൂർ ജില്ലയിൽ 2015ൽ രൂപീകരിച്ച ഒരു നഗരസഭയാണ് ശ്രീകണ്ഠാപുരം. ഈ ഗ്രേഡ് 3 നഗരസഭ തളിപ്പറമ്പ താലൂക്കിൽ ഉൾപ്പെടുന്നു. വളപട്ടണം പുഴയിൽ എത്തിച്ചേരുന്ന ശ്രീകണ്ഠാപുരം പുഴയുടെ ഒരു കരയിലാണ് ശ്രീകണ്ഠാപുരം പട്ടണം സ്ഥിതി ചെയ്യുന്നത്. കണ്ണൂർ നഗരത്തിൽ നിന്ന് (മലപ്പട്ടം, മയ്യിൽ വഴി) 33 കി.മീ വടക്ക് കിഴക്ക് മാറിയും തളിപ്പറമ്പ പട്ടണത്തിൽ നിന്ന് 20 കി.മീ കിഴക്ക് മാറിയുമാണ് ഈ ചെറു പട്ടണം സ്ഥിതി ചെയ്യുന്നത്.

സംസ്ഥാനപാത 36 ശ്രീകണ്ഠപുരം പട്ടണത്തിലൂടെ കടന്നുപോകുന്നു. ഇത് ശ്രീകണ്ഠപുരത്തെ മറ്റ് പ്രധാന പട്ടണങ്ങളായ ഇരിട്ടിയുമായും ഇരിക്കൂറുമായും തത്ഫലമായി കർണാടക സംസ്ഥാനമായും പ്രമുഖ നഗരങ്ങളായ ബെംഗളൂരു, മൈസൂരുമായും ബന്ധിപ്പിക്കുന്നു.

ചരിത്രം

ചരിത്രപരമായി പ്രസിദ്ധമായ ഈ പ്രദേശം മൂഷികരാജവംശത്തിന്റെ കീഴിലായിരുന്നു ഭരിക്കപ്പെട്ടിരുന്നത്. മൂഷിക രാജാവായ ശ്രീകണ്ഠൻ ഭരിച്ചിരുന്നതിനാലാണ് ശ്രീകണ്ഠന്റെ പുരം അഥവാ ശ്രീകണ്ഠാപുരം ഉണ്ടായതെന്നാണ് ചരിത്രം. കേരളത്തിൽ ഇസ്ലാം മതം പ്രചരിച്ചിരുന്ന ആദ്യകാല കേന്ദ്രങ്ങളിലൊന്നായിരുന്നു ശ്രീകണ്ഠാപുരം. കൊടുങ്ങല്ലൂരിനൊപ്പം ഇവിടെയും ഇസ്ലാം മതം പ്രചരിച്ചുവെന്ന് കരുതപ്പെടുന്നു] കേരളത്തിൽ ഇസ്ലാം മതം എത്തിയ വർഷങ്ങളെക്കുറിച്ച് ചരിത്രകാരന്മാർക്കിടയിൽ അഭിപ്രായവ്യത്യാസം ഉണ്ടെങ്കിലും മുഹമ്മദ് നബി ജീവിച്ചിരുന്ന കാലത്തേ ഇവിടെ ഇസ്ലാം എത്തിയതായി കണക്കാക്കുന്നു.[ പഴയ ചിറക്കൽ താലൂക്കിൽ പെട്ട ജഫർത്താൻ പഴയങ്ങാടി ആണെന്നാണ് ചരിത്രകാരന്മാരുടെ അഭിപ്രായം] വളപട്ടണം പുഴ വഴി മാലിക് ദിനാറും സംഘവും പഴയങ്ങാടി പുഴക്കരയിൽ എത്തിയതായി ചരിത്രം പറയുന്നു] അന്ന് നാല് ഇല്ലങ്ങളാണ് ഇവിടെ ഉണ്ടായിരുന്നത്] കുന്നത്തില്ലം, ബപ്പനില്ലം, മേലാക്കില്ലം, തുയ്യാടില്ലം.[ ഈ നാല് ഇല്ലത്തിന്റെ പേരുകളിൽ അറിയപ്പെടുന്ന കുടുംബക്കാരും ഇവിടത്തെ നാടുവാഴികളായിരുന്നു.[ ഇസ്ലാംമതപ്രവാചകരുടെ പരാമർശങ്ങളിൽ ഇവർ അറിയപ്പെടുന്നത് ജെറൂൾ, തഹ്ത്, ഹയ്യത്ത്, മുതലായ അറബി പേരുകളിലാണ്.[ ജെറൂൾ എന്ന അറബി നാമം പിന്നീട് ചെറോൽ ആയും, ഹയ്യത്ത് അയ്യകത്ത് ആയും ത്ഹ്ത് താഴത്ത് ആയും പിന്നീട് അറിയപ്പെട്ടു.[] മാലിക് ദിനാറിന്റെ സംഘത്തിൽ പെട്ടവർ ഇവിടെ പള്ളി സ്ഥാപിച്ചത് ഹിജ്‌റ 22ൽ ആണെന്ന് വിശ്വസിക്കപ്പെടുന്നു.[ ഇതു പ്രകാരം നോക്കിയാൽ ഇസ്ലാം മതം ഈ നാട്ടിൽ എത്തിയിട്ട് 1400 വർഷത്തിലേറെയായി.[ ജൻമിത്തത്തിനും നാടുവാഴിത്തത്തിനുമെതിരായി നടന്ന ഐതിഹാസികമായ കർഷക സമരത്തിനെതിരെ നടന്ന MSP വെടിവെപ്പിൽ നിരവധിപേർ രക്തസാക്ഷികളേണ്ടിവന്ന കാവുമ്പായി സമരക്കുന്നുശ്രീകണ്ഠപുരം പട്ടണത്തിനടുത്താണ്..

ഭരണസംവിധാനം

1955-ൽ നിലവിൽ വന്ന മദ്രാസ് വില്ലേജ് പഞ്ചായത്ത്സ് ആക്ട് പ്രകാരം, പഴയ ശ്രീകണ്ഠപുരം ഗ്രാമപഞ്ചായത്തിന്റെ പരിധിയിൽ ശ്രീകണ്ഠപുരം, നെടിയേങ്ങ, കാഞ്ഞിലേരി എന്നീ മൂന്ന് ഗ്രാമങ്ങൾ ഉൾപ്പെട്ടിരുന്നു. അതത് ഗ്രാമപഞ്ചായത്തുകളുടെ പ്രസിഡന്റുമാരായി ശ്രീ അബ്ദുൾ റഹിമാൻ സാഹിബ്, ശ്രീ എം. സി. രാമൻകുട്ടി നമ്പ്യാർ, ശ്രീ കുഞ്ഞബിദുക്ക എന്നിവർ പ്രവർത്തിച്ചു. 1960-ൽ കേരള പഞ്ചായത്ത് രാജ് നിയമം നിലവിൽ വന്നു. ഈ നിയമപ്രകാരം ഈ ഗ്രാമപഞ്ചായത്തുകൾ ചേർന്ന് ശ്രീകണ്ഠപുരം ഗ്രാമപഞ്ചായത്ത് രൂപീകരിച്ചു. ഈ പഞ്ചായത്തിന്റെ പരിധിയിൽ രണ്ട് റവന്യൂ ഗ്രാമങ്ങൾ ഉണ്ടായിരുന്നു. 1962-ൽ ആദ്യ പഞ്ചായത്ത് തിരഞ്ഞെടുപ്പ് നടന്നു. ശ്രീ എൻ. സി. വർഗീസ് ആദ്യ പഞ്ചായത്ത് പ്രസിഡന്റായി തിരഞ്ഞെടുക്കപ്പെട്ടു. 2015 നവംബർ 1-ന് ശ്രീകണ്ഠപുരം നഗരസഭയായി രൂപീകരിക്കപ്പെട്ടു. നഗരസഭയിൽ ആകെ 31 വാർഡുകളുണ്ട്. നഗരത്തിലെ വളപട്ടണം നദിയുടെ തീരത്താണ് നഗരസഭാ ഓഫീസ് സ്ഥിതിചെയ്യുന്നത്. നിലവിലെ നഗരസഭാ ചെയർമാൻ അഡ്വ. ഇ. വി. രാമകൃഷ്ണനാണ് (UDF).[1]

ശ്രീകണ്ഠപുരം നഗരസഭ രാഷ്ട്രീയമായി കണ്ണൂർ ലോക്സഭാ മണ്ഡലത്തിലെ ഇരിക്കൂർ നിയമസഭാ മണ്ഡലത്തിന്റെ ഭാഗമാണ്.[2]

പ്രധാന വിദ്യാഭ്യാസ സ്ഥാപനങ്ങൾ

• എസ്.ഇ.എസ്. കോളേജ്, ശ്രീകണ്ഠാപുരം
• ശ്രീകണ്ഠാപുരം ഗവണ്മെന്റ് ഹയർസെക്കണ്ടറി സ്കൂൾ
• മേരിഗിരി സീനിയർ സെക്കണ്ടറി സ്കൂൾ
• സൽ സബീൽ ഇംഗ്ലീഷ് മീഡിയം സ്കൂൾ
• ശ്രീകണ്ഠപുരം പബ്ലിക്‌ സ്കൂൾ
• പി .കെ. എം . ബി എഡ് കോളേജ്, മടമ്പം
• കോട്ടുർ ഗവൺമെന്റ് ഐടിഐ, ശ്രീകണ്ഠാപുരം
• ലിറ്റിൽ ഫ്ലവർ സ്കൂൾ, കോട്ടൂർ
• നെടുങ്ങോം ഗവണ്മെന്റ് ഹയർസെക്കണ്ടറി സ്കൂൾ

പ്രധാന സർക്കാർ സ്ഥാപനങ്ങൾ

• നഗരസഭാ കാര്യാലയം, ശ്രീകണ്ഠപുരം
• വില്ലേജ് ഓഫീസ്, ശ്രീകണ്ഠപുരം
• പൊലീസ് സ്റ്റേഷൻ, ശ്രീകണ്ഠപുരം
• എക്സൈസ് റേഞ്ച് ഓഫീസ്, ശ്രീകണ്ഠപുരം
• പോസ്റ്റ് ഓഫീസ്, ശ്രീകണ്ഠപുരം
• സബ് ട്രഷറി, ശ്രീകണ്ഠപുരം
• സബ് രജിസ്ട്രാർ ഓഫീസ്, ശ്രീകണ്ഠപുരം
• കെഎസ്ഇബി ഇലക്ട്രിക്കൽ സർക്കിൾ ഓഫീസ്, ശ്രീകണ്ഠപുരം
• കൃഷിഭവൻ, ശ്രീകണ്ഠപുരം
• ഇരിക്കൂർ എംഎൽഎ ഓഫീസ്, ശ്രീകണ്ഠപുരം
• ബിഎസ്എൻഎൽ ടെലിഫോൺ എക്സ്ചേഞ്ച് ഓഫീസ്, ശ്രീകണ്ഠപുരം
• ഗവൺമെൻ്റ് ഹയർ സെക്കൻഡറി സ്കൂൾ, ശ്രീകണ്ഠപുരം
• കമ്മ്യൂണിറ്റി ഹാൾ, ശ്രീകണ്ഠപുരം

പ്രധാന ആരാധനാലയങ്ങൾ

• സലഫി മസ്ജിദ് ശ്രീകണ്ഠപുരം ബസ് സ്റ്റാൻഡ്
• ജുമാമസ്ജിദ് ശ്രീകണ്ഠപുരം
• ശാദുലി മസ്ജിദ് ശ്രീകണ്ഠപുരം ടൌൺ
• പുതിയ പള്ളി ശ്രീകണ്ഠപുരം
• ബിലാൽ മസ്ജിദ് ശ്രീകണ്ഠപുരം
• മാലിക് ബിന് ദീനാർ മസ്ജിദ് പഴയങ്ങാടി
• സെന്റ്. തോമസ് ചർച്ച്, കോട്ടുർ
• പരിപ്പായി മുച്ചിലോട്ട് കാവ്
• ശ്രീമുത്തപ്പൻ മഠപ്പുര
• ഇൻഫന്റ് ജീസസ് ചർച്ച്, ശ്രീകണ്ഠാപുരം ടൗൺ
• ഐ പി സി എബനെസ്സർ ചർച്ച്, കോട്ടൂർവയൽ.
• അമ്മകോട്ടം ദേവീ ക്ഷേത്രം
• കോട്ടൂർ മഹാവിഷ്ണൂ ക്ഷേത്രം
• ഫൊറോന പള്ളി, മടമ്പം
• തൃക്കടമ്പ ശ്രീ മഹാവിഷ്ണു ക്ഷേത്രം